ഇടുക്കി: കടകളില് വെയ്ക്കുന്ന സാനിറ്റൈസര് കെ.എസ്.ഇ.ബി ജീവനക്കാരന് കുടിച്ചു തീര്ക്കുന്നു.
ഇടുക്കി ചെറുതോണി സ്വദേശി അലിയാരാണ് വ്യാപാരികള്ക്ക് തലവേദനയായിരിക്കുന്നത്. സ്ഥിരമായി ചെറുതോണിയിലെ കടകളിലെത്തി അവിടെ ഉപഭോക്താക്കള്ക്ക് ഉപയോഗിക്കാനായി വെയ്ക്കുന്ന സാനിറ്റൈസര് എടുത്തുകുടിക്കുന്നതാണ് ഇയാളുടെ പതിവ്. ഇയാള് സ്ഥിരമായി മദ്യപിക്കുന്ന കൂട്ടത്തിലാണെന്നും നാട്ടുകാര് പറയുന്നുണ്ട്.
കടകളിലെ സാനിറ്റൈസര് കുപ്പികള് പെട്ടെന്ന് കാലിയാകുന്നതില് സംശയം തോന്നി സി.സി.ടി.വി ദൃശ്യങ്ങള് പരിശോധിച്ചപ്പോഴാണ് സംഭവം പുറത്തറിയുന്നത്. കെ.എസ്.ഇ.ബി ജീവനക്കാരനായ ഇദ്ദേഹം ജോലിക്ക് പോകാതെ മദ്യലഹരിയില് ടൗണില് കറങ്ങിനടക്കുന്നതും പതിവാണെന്ന് വ്യാപാരികള് ആരോപിക്കുന്നു. പോലീസും കെ എസ് ഇ ബിയും ഇടപെട്ട് ആവശ്യമായ ചികിത്സ നല്കണമെന്നാണ് നാട്ടുകാരുടെ ആവശ്യം.
