റാന്നി : ക്ലാസ് റൂം പഠനത്തോടൊപ്പം നാട്ടിലെ കലാരൂപങ്ങളുമായും സാംസ്കാരിക സവിശേഷതകളുമായും അടുത്തിടപഴകുന്നതിനുള്ള അവസരം കുട്ടികൾക്ക് ലഭിക്കുന്നതിനായി സര്ഗ കൈരളി എന്ന പേരില് കലാ,പൈതൃക,താള,വാദ്യ സംഗമം നടത്തി റാന്നി ബി.ആർ സി. കേരളത്തിൽ പ്രാദേശികമായി നിലവിലുള്ള കലാരൂപങ്ങളും വാദ്യോപകരണങ്ങളും അടുത്തറിയാനും കുട്ടികളുടെ സഹജമായ താള ബോധത്തെയും കലാവാസനയെയും ഉണർത്തുന്നതിനും പരിപോഷിപ്പിക്കുന്നതിനുമുള്ള പദ്ധതിയാണ് ‘സർഗ്ഗ കൈരളി’.
കേരള സംസ്ഥാന ന്യൂന പക്ഷ വികസന ധനകാര്യ കോർപ്പറേഷൻ ഡയറക്ടർ ഫാദർ ഡോ. മാത്യൂസ് വഴക്കുന്നം ഉദ്ഘാടനം ചെയ്തു. ജില്ലാ പഞ്ചായത്ത് റാന്നി ഡിവിഷനംഗം ജെസ്സി അലക്സ് അധ്യക്ഷത വഹിച്ചു. ഡയറ്റ് മുൻ സീനിയർ ലക്ചറർ ശ്രീകുമാർ എസ്. നായർ മുഖ്യ പ്രഭാഷണം നടത്തി. ‘അതിജീവനം’റിസോഴ്സ് പേഴ്സൺ എഫ്. അജിനി, ബി പി സി ഷാജി എ.സലാം,സി ആർ സി സിമാരായ ബീനാമ്മ കോശി,എസ് ഗീത എന്നിവർ പ്രസംഗിച്ചു.
