നെടുമങ്ങാട് : ടിപ്പര് കയറിയിറങ്ങി ഇരുചക്ര വാഹനയാത്രക്കാരിയായ അധ്യാപിക മരണമടഞ്ഞു. നെടുമങ്ങാട് ബോംബെ ഹൗസില് ഷാജഹാന്റെ ഭാര്യ ജീന(48)ആണ് മരണമടഞ്ഞത്. ശനിയാഴ്ച രാവിലെ ഒമ്പതിന് നെടുമങ്ങാട് വാളിക്കോട് പാലത്തിനു സമീപം നാലുമുക്കിലാണ് അപകടം നടന്നത്. നവജീവന് സ്കൂളിലെ അധ്യാപികയായ ജീന ഭര്ത്താവിനൊപ്പം യാത്ര ചെയ്യുന്നതിനിടയില് ടിപ്പറിന്റെ പിറകുവശം ഇരുചക്ര വാഹനത്തില് തട്ടുകയും റോഡില് വീണ ജീനയുടെ ശരീരത്തിലൂടെ ടിപ്പറിന്റെ പിന്ചക്രങ്ങള് കയറിയിറങ്ങുകയുമായുന്നെന്ന് ദൃക്സാക്ഷികള് പറഞ്ഞു.
മാസങ്ങള്ക്കു മുമ്പ് ഇതേ സ്ഥലത്ത് വെച്ച് മറ്റൊരു യാത്രക്കാരന് മരണമടഞ്ഞിരുന്നു. ഈ സ്ഥലത്ത് അപകടങ്ങള് പെരുകുന്നുവെന്നും ട്രാഫിക് നിയന്ത്രണമേര്പ്പെടുത്തണമെന്നും ആവശ്യപ്പെട്ട് അപകടം നടന്ന ഉടന്തന്നെ യൂത്ത് കോണ്ഗ്രസ് പ്രവര്ത്തകര് റോഡ് ഉപരോധിച്ചു.
