ന്യൂയോര്ക്ക് : ചരിത്രത്തിൽ ആദ്യമായി കാൻസർ ചികിത്സയ്ക്കുള്ള മരുന്ന് പരീക്ഷണത്തിൽ പങ്കെടുത്ത എല്ലാ രോഗികളുടേയും അസുഖം ഭേദമായി. മുന്പ് കീമോതെറാപ്പിയും റേഡിയേഷനും ഉൾപ്പെടെയുള്ള ചികിത്സ ചെയ്തിട്ടു ഫലം ലഭിക്കാത്ത 18 രോഗികളാണ് ഡോസ്റ്റാർലിമാബ് എന്ന മരുന്ന് കഴിച്ച് പൂർണമായും കാൻസർ മുക്തരായത്. ന്യൂയോര്ക്കിലെ മെമ്മോറിയല് സ്ലോവാന് കെറ്റെറിംഗ് കാന്സര് സെന്ററില് നടത്തിയ പരീക്ഷണത്തിലാണ് ഈ മാരകരോഗത്തിനുള്ള ഫലവത്തായ മരുന്ന് കണ്ടെത്തിയത്. മലദ്വാര കാന്സര് മൂലം ബുദ്ധിമുട്ടിയിരുന്ന 18 രോഗികളിലാണ് ഇവര് പരീക്ഷണം നടത്തിയത്. ഇതിനായി ഇവര് ഉപയോഗിച്ചത് ഇവര്തന്നെ വികസിപ്പിച്ച ഡോസ്റ്റാര്ലിമാബ് എന്ന ഡ്രഗ് ആണ്.
