ഇരിട്ടി: ഇരിട്ടി – മട്ടന്നൂര് റോഡിലെ ചാവശ്ശേരിയില് ആര്.എസ്.എസ്.- എസ്.ഡി.പി.ഐ. പ്രവര്ത്തകര് തമ്മില് സംഘര്ഷം.രണ്ടു വീടുകള് തകര്ത്തു. എസ്.ഡി.പി.ഐ. പ്രവര്ത്തകനായ സിനാസിന്റെയും ആര്.എസ്.എസ്. പ്രവര്ത്തകനായ അജയന്റെയും വീടുകള്ക്ക് നേരെ അക്രമമുണ്ടായി. വീടുകളുടെ ജനല്ച്ചില്ലുകള് അടിച്ചു തകര്ത്തു. ഷിനാസിന്റെ പിതാവ് എം.കെ.ഹംസ, ഭാര്യ ഹൈറുന്നിസ എന്നിവരെ പരിക്കേറ്റ് തലശ്ശേരിയിലെ സ്വകാര്യ ആശുപത്രിയില് പ്രവേശിപ്പിച്ചു. ഇവരുടെ വീട്ടിലെ കാറും തകര്ത്തിട്ടുണ്ട്.
തിങ്കളാഴ്ച രാത്രിയാണ് സംഭവം. കഴിഞ്ഞ ദിവസം രാത്രി വൈകി ചാവശ്ശേരി മുഖപ്പറമ്പ്റോഡില് സ്ഫോടനമുണ്ടായിരുന്നു. ഇതില് പ്രതിഷേധിച്ച് എസ്.ഡി.പി.ഐ. പ്രകടനം നടത്തി. തുടര്ന്ന് ആര്.എസ്.എസ്. പ്രവര്ത്തകരും പ്രകടനം നടത്തുകയും ഇരുവിഭാഗങ്ങളും തമ്മില് സംഘര്ഷമുണ്ടാകുകയും ചെയ്തു. കണ്ണൂര് റേഞ്ച് ഡി ഐ ജി രാഹുല് ആര് നായര്, കണ്ണൂര് റൂറല് എസ്.പി പി.ബി രാജീവ് ഐപിഎസ്,അഡീഷണല് എസ്പി. പി.പി സദാനന്ദന്, കുത്തുപറമ്പ്എ.സി.പി. പ്രദീപന് കണ്ണിപ്പൊയില് എന്നിവര് സ്ഥലത്തെത്തി.മട്ടന്നൂര് നഗരസഭാ തെരഞ്ഞെടുപ്പിന്റെ ഭാഗമായി ചില മേഖലകളില് സംഘര്ഷമുണ്ടായിരുന്നു. ഇതിന്റെ ഭാഗമായാണ് ചാവശേരിയിലും അക്രമം നടന്നത്.
