ന്യൂഡല്ഹി : ഇന്ത്യയുടെ വിദേശനാണ്യ കരുതല് ശേഖരത്തില് വന് കുറവ്. രണ്ട് വര്ഷത്തിനിടയിലെ ഏറ്റവും കുറഞ്ഞ നിരക്കിലാണ് വിദേശനാണ്യ കരുതല് ശേഖരമിപ്പോള്. ഡോളറിനെതിരെ രൂപയുടെ മൂല്യമിടിയുന്നതാണ് വിദേശനാണ്യ കരുതല് ശേഖരത്തേയും സ്വാധീനിക്കുന്നത്. 80 രൂപക്ക് മുകളിലാണ് ഡോളറിനെതിരെ രൂപ വ്യാപാരം നടത്തുന്നത്.
ഇന്ത്യയുടെ വിദേശനാണ്യ കരുതല് ശേഖരം 6.687 ബില്യണ് ഡോളര് ഇടിഞ്ഞ് 564.053 ബില്യണ് ഡോളറിലെത്തി. കഴിഞ്ഞയാഴ്ച കരുതല് ധനശേഖരം 2.238 ബില്യണ് ഡോളര് ഇടിഞ്ഞ് 570.74 ബില്യണ് ഡോളറിലെത്തിയിരുന്നു. രാജ്യത്തിന്റെ സ്വര്ണശേഖരത്തിലും ഇടിവാണ് രേഖപ്പെടുത്തിയതത്. സ്വര്ണശേഖരം 704 മില്യണ് ഡോളര് ഇടിഞ്ഞ് 39.914 ഡോളറിലേക്ക് എത്തി. ഐ.എം.എഫിലെ രാജ്യത്തിന്റെ കരുതല് ധനശേഖരം 58 മില്യണ് ഡോളര് ഇടിഞ്ഞ് 4.936 ബില്യണിലേക്ക് എത്തി.