ആലപ്പുഴ: ആലപ്പുഴ കോടതിയില് അഭിഭാഷകയായി ആള്മാറാട്ടം നടത്തിയ സെസി സേവ്യര് പോലീസ് കസ്റ്റഡിയില്. എട്ടു ദിവസത്തേക്കാണ് കസ്റ്റഡിയില് വിട്ടത്. 21 മാസങ്ങള്ക്ക് ശേഷം ഒളിവില് കഴിഞ്ഞ പ്രതി കഴിഞ്ഞ ദിവസമാണ് ആലപ്പുഴ ഒന്നാം ക്ലാസ് മജിസ്ട്രേറ്റ് കോടതിയില് കീഴടങ്ങിയത്. ചോദ്യം ചെയ്ത ശേഷമാകും മറ്റു നടപടികള്.ഐ.പി.സി. 417(വഞ്ചന), 419, 420(ആള്മാറാട്ടം) എന്നിവയാണ് സെസിക്കെതിരെ ചുമത്തിയിരുന്നത്.
മറ്റൊരാളുടെ റജിസ്റ്റര് നമ്പര് ഉപയോഗിച്ചാണ് സെസി എന്റോള് ചെയ്തതായി രേഖയുണ്ടാക്കിയത്. നേരത്തെ കോടതി കമ്മിഷനായും പ്രവര്ത്തിച്ചിട്ടുണ്ട്. യോഗ്യതാ രേഖകള് ആവശ്യപ്പെട്ടിട്ടും നല്കാതിരുന്ന ഇവര്ക്കെതിരെ ബാര് അസോസിയേഷന് സെക്രട്ടറി അഭിലാഷ് സോമന്റെ പരാതിയുടെ അടിസ്ഥാനത്തില് നോര്ത്ത് പോലീസ് കേസെടുത്തിരുന്നു. പരീക്ഷ ജയിക്കാതെയും എന്റോള് ചെയ്യാതെയും കോടതിയെയും സഹഅഭിഭാഷകരെയും കബളിപ്പിച്ച് രണ്ടര വര്ഷമായി സെസി ആലപ്പുഴയില് പ്രാക്ടീസ് ചെയ്തിരുന്നതായാണ് പരാതി.
