ഇടുക്കി : ഇതര സംസ്ഥാനക്കാരിയായ പെണ്കുട്ടി ലൈംഗിക അതിക്രമത്തിന് ഇരയായതായി പരാതി. 15 വയസുകാരിയായ പെണ്കുട്ടിയാണ് അക്രമത്തിന് ഇരയായത്. ഇന്നലെ വൈകീട്ട് ഇടുക്കി പൂപ്പാറയിലാണ് സംഭവം. സുഹൃത്തിനൊപ്പം പൂപ്പാറ കാണാനെത്തിയ പെണ്കുട്ടിയെ പ്രദേശവാസികളായ നാല് പേര് ചേര്ന്ന് ആക്രമിക്കുകയായിരുന്നു. തേയിലത്തോട്ടത്തില് സുഹൃത്തിനൊപ്പം സംസാരിച്ചുകൊണ്ടിരിക്കവെയാണ് ഇവര് പെണ്കുട്ടിയെ ആക്രമിച്ചത്. കൂടെയുണ്ടായിരുന്ന സുഹൃത്തിനെ മര്ദിച്ച സംഘം പെണ്കുട്ടിയെ ലൈംഗിക അതിക്രമത്തിനിരയാക്കുകയായിരുന്നു. സംഭവത്തില് കേസ് എടുത്ത് അന്വേഷണം ആരംഭിച്ച പോലീസ് രണ്ട് പേരെ പിടികൂടിയിട്ടുണ്ട്. ഇവരെ ചോദ്യം ചെയ്തുവരികയാണ്. പ്രതികളില് ഒരാള്ക്ക് പ്രായപൂര്ത്തി ആയിട്ടില്ലെന്നാണ് വിവരം.
