കോഴിക്കോട്: പത്തുവയസ്സുകാരിയെ പലതവണ ലൈംഗിക അതിക്രമത്തിനു വിധേയയാക്കിയ കേസില് യുവതിക്ക് വിവിധ വകുപ്പുകള് പ്രകാരം നാദാപുരം ഫാസ്റ്റ് ട്രാക്ക് സ്പെഷല് കോടതി 75 വര്ഷം തടവും 90,000 രൂപ പിഴയും വിധിച്ചു. പാലക്കാട് മണ്ണാര്ക്കാട് ചക്കിങ്ങല് വസന്തയെയാണ് (സന്ധ്യ -42) ജഡ്ജി എം.ശുഹൈബ് ശിക്ഷിച്ചത്. കുട്ടിയെ ലൈംഗികമായി പീഡിപ്പിച്ചെന്നാണ് വസന്തയ്ക്കെതിരായ കേസ്.
പെണ്കുട്ടിയെ മറ്റുള്ളവര്ക്ക് ലൈംഗികാതിക്രമത്തിന് ഒത്താശ ചെയ്തു കൊടുത്തതിനു വസന്തയ്ക്കെതിരെ ഇതേ കോടതിയില് 3 കേസുകളും നിലവിലുണ്ട്. കുറ്റകൃത്യത്തെക്കുറിച്ചു വിവരം ഉണ്ടായിരുന്നിട്ടും മറച്ചുവച്ചതിന് കോട്ടയം ഏറ്റുമാനൂര് സ്വദേശി ചെറുമുകത്ത് ദാസിനെ (42) 6 മാസം തടവിനും കോടതി ശിക്ഷിച്ചു. കുറ്റ്യാടി പോലീസ് റജിസ്റ്റര് ചെയ്ത കേസില് ഇന്സ്പെക്ടര് ടി.പി.ഫര്ഷാദാണ് കോടതിയില് കുറ്റപത്രം നല്കിയത്.
