ഡല്ഹി: എലത്തൂരില് ട്രെയിന് തീവെപ്പ് നടന്ന സ്ഥലത്ത് നിന്ന് കണ്ടെടുത്ത ടീ ഷര്ട്ട് മകന്റേതെന്ന് സ്ഥീരികരിച്ച് ഷാറൂഖിന്റെ പിതാവ് ഫക്രൂദ്ദീന്. ടീ ഷര്ട്ട് മകന് വീട്ടില് ഉപയോഗിക്കുന്നതാണ്. മാത്രമല്ല തന്റെ കുടുംബം നോയിഡയില് നിന്ന് ഷഹീന് ബാഗില് എത്തിയിട്ട് 15 വര്ഷമായെന്നും ഫക്രൂദ്ദീന് പറഞ്ഞു. അതെസമയം മകന് ഇതുവരെ കേരളത്തില് പോയിട്ടില്ലെന്നാണ് ഫക്രൂദ്ദീന് പറഞ്ഞത്.
താനും മകനും ആശാരിപ്പണി ചെയ്യുന്നവരാണ്. തനിക്കൊപ്പം തന്നെയാണ് മകനും ജോലി ചെയ്തിരുന്നത്. പൊലീസ് കാണിച്ച ഫോട്ടോ മകന്റെയാണ്. മകനെ പന്ത്രണ്ടാം ക്ലാസ് വരെ പഠിപ്പിച്ചു. അത്യാവശ്യം ഇംഗ്ലീഷ് കൈകാര്യം ചെയ്യാനറിയാം. വീട്ടില് നിന്നും പുസ്തകങ്ങളും മറ്റും കൊണ്ടുപോയിരുന്നു. മാര്ച്ച് 31 നാണ് മകനെ കാണാതായതിനെ തുടര്ന്ന് എപ്രില് രണ്ടിനാണ് പൊലീസില് പരാതി നല്കിയതെന്നും പിതാവ് പറഞ്ഞു.
