കോഴിക്കോട്: എലത്തൂരില് ട്രെയിനില് തീയിട്ട കേസിലെ പ്രതി ഷാറൂഖ് സെയ്ഫിയ്ക്കൊപ്പം മൂന്നുപേര് കൂടി ഉണ്ടായിരുന്നതായി റിപ്പോര്ട്ട്. നാലുപേര്ക്ക് വേണ്ടിയാണ് ടിക്കറ്റ് എടുത്തത്. കണ്ണൂരില് നിന്നും ഡല്ഹിയിലേക്കാണ് ടിക്കറ്റാണ് എടുത്തത്. എന്നാല് സംഘത്തിലെ ഒരാള് ട്രെയിനില് കയറിയില്ല. ഇയാള് കണ്ണൂരില് തന്നെയുണ്ടെന്നാണ് അന്വേഷണ സംഘത്തിന്റെ വിലയിരുത്തല്. കണ്ണൂരില് നിന്നും വൈകുന്നേരത്തോടെയാണ് സംഘം ട്രെയിനില് യാത്ര തിരിച്ചത്. ട്രെയിന് യാത്രയ്ക്കിടെ ഷാറൂഖ് സെയ്ഫി മഹാരാഷ്ട്രയിലെ രത്നഗിരിയില് ചികിത്സ തേടി ഇറങ്ങുകയായിരുന്നു.
കണ്ണൂര് റെയില്വേ സ്റ്റേഷനില് സെയ്ഫിയും സംഘവും നില്ക്കുന്നതിന്റെയും സംസാരിക്കുന്നതിന്റെയും സിസിടിവി ദൃശ്യങ്ങള് പോലീസിന് ലഭിച്ചതായും റിപ്പോര്ട്ടുണ്ട്. എന്നാല് ഇവര്ക്ക് കുറ്റകൃത്യത്തില് പങ്കുണ്ടോ എന്നതില് വ്യക്തമല്ല. തീവെച്ച ആലപ്പുഴ എക്സ്പ്രസില് തന്നെയാണ് ഷാറൂഖ് സെയ്ഫി കണ്ണൂരിലെത്തിയതെന്ന് പൊലീസ് കണ്ടെത്തിയിട്ടുണ്ട്. രത്നഗിരിയില് വെച്ചാണ് ഷാറൂഖിനെ മഹാരാഷ്ട്ര എടിഎസ് കസ്റ്റഡിയിലെടുക്കുന്നത്. കേന്ദ്ര ഏജന്സികളുടെ സഹായത്തോടെയാണ് പ്രതിയെ പിടികൂടിയതെന്ന് മഹാരാഷ്ട്ര തീവ്രവാദ വിരുദ്ധ സ്ക്വാഡ് അറിയിച്ചു.
