തിരുവനന്തപുരം : ഒരുത്തീ സിനിമയുടെ വാര്ത്താ സമ്മേളനത്തില് നടന് വിനായകന് നടത്തിയ പരാമര്ശങ്ങള്ക്കെതിരെ ഷാനിമോള് ഉസ്മാന്. വിനായകന് ഒരു നല്ല ചലച്ചിത്ര താരമാണ്, അദ്ദേഹത്തിന്റെ അഭിനയം സമൂഹത്തില് സ്വാധീനം ചെലുത്തുകയും ചെയ്യും. പക്ഷെ സ്ത്രീയെ കുറിച്ച് ഇദ്ദേഹത്തിന്റെ കാഴ്ച്ചപ്പാട് വികലമായിപ്പോയെന്നും ഷാനിമോള് പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു ഷാനിമോളുടെ പ്രതികരണം.
കുറിപ്പിന്റെ പൂര്ണരൂപം:
വിനായകന് ഒരു നല്ല ചലച്ചിത്ര താരമാണ്, അദ്ദേഹത്തിന്റെ അഭിനയം സമൂഹത്തില് സ്വാധീനം ചെലുത്തുകയും ചെയ്യും. പക്ഷെ സ്ത്രീയെ കുറിച്ച് ഇദ്ദേഹത്തിന്റെ കാഴ്ച്ചപ്പാട് വികലമായിപ്പോയി, ഇങ്ങനെയൊക്കെ വന്നു പത്രസമ്മേളനത്തില് പറയുന്ന രീതി ഏത് വിപ്ലവമാണ്, പൊതു സമൂഹത്തിലെ അനേകായിരം വിഷയങ്ങള് മാറ്റിവച്ചു വിനായകന് ചര്ച്ചക്കെടുത്ത അപമാനകരമായ പരാമര്ശങ്ങളില് പ്രതിഷേധിക്കുന്നു.