കോഴിക്കോട് : മായനാട് ഏഴ് വയസുകാരന് ഷിഗെല്ല സ്ഥിരീകരിച്ചു. ചൊവ്വാഴ്ചയാണ് വയറിളക്കവും പനിയും മൂലം കുട്ടിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചത്. ആരോഗ്യ നില തൃപ്തികരമാണെന്ന് ആരോഗ്യ വകുപ്പ് അറിയിച്ചു. പ്രദേശത്ത് പ്രതിരോധ പ്രവര്ത്തനങ്ങള് തുടരുകയാണ്. നിലവില് മറ്റാര്ക്കും രോഗലക്ഷങ്ങള് കണ്ടെത്തിയിട്ടില്ല. ഈ മാസം ആദ്യം മായാനാട് ഭാഗത്ത് മൂന്ന് പേര്ക്ക് ഷിഗല്ല ബാധിച്ചിരുന്നു. ഷിഗല്ല വിഭാഗത്തില്പ്പെടുന്ന ബാക്ടീരിയയാണ് ഷിഗല്ലോസിസ് അഥവാ ഷിഗല്ല രോഗത്തിന് കാരണമാവുന്നത്. ഒന്ന് മുതല് മൂന്ന് ദിവസം വരെയാണ് ഇന്ക്യുബേഷന് പിരീഡ്, അഥവാ ബാക്ടീരിയ ശരീരത്തില് പ്രവേശിച്ച് രോഗലക്ഷണങ്ങള് പ്രകടിപ്പിക്കാനെടുക്കുന്ന സമയം.
