റാന്നി: പെരുനാട് തൃക്കാവനാൽ മഹാദേവർ ക്ഷേത്രത്തിലെ ശിവരാത്രി മഹോത്സവവും ഭാഗവത സപ്താഹയജ്ഞവും ഫെബ്രുവരി എട്ടു മുതൽ പതിനാറ് വരെ നടക്കും. മഹാകവി അക്കിത്തം അച്യുതൻ നമ്പൂതിരി വിവർത്തനം ചെയ്ത ശ്രീമദ് ഭാഗവതം പത്തനംതിട്ട ജില്ലയിൽ ആദ്യമായി യജ്ഞാചാര്യ പുരാണശ്രീ പ്രേമ ജി.പിഷാരടിയുടെ കാർമികത്വത്തിൽ 8 മുതൽ 14 വരെ നടക്കും. എട്ടിന് രാവിലെ 6 30ന് ഗണപതി ഹോമവും തുടർന്ന് ഭദ്രദീപ പ്രതിഷ്ഠ, 9ന് രാവിലെ 9 30ന് തന്ത്രിമുഖ്യൻ ജി ശ്രീനാരായണൻ പണ്ടാരത്തിൽ നേതൃത്വത്തില് കൊടിയേറ്റ്.
14ന് വൈകിട്ട് ഏഴിന് തീം അന്നപൂർണ, പെരുനാട് അവതരിപ്പിക്കുന്ന തിരുവാതിര, കോൽക്കളി, കൈകൊട്ടി കളി എന്നിവയും 15ന് രാവിലെ 9ന് പൊങ്കാല തുടർന്ന് സർപ്പത്തറയിൽ കലശാഭിഷേകവും നൂറും പാലും. വൈകിട്ട് ഏഴിന് നൂപുര തിരുവാതിര ടീം മാടമൺ അവതരിപ്പിക്കുന്ന തിരുവാതിര. 7 30ന് രുദ്ര കലാക്ഷേത്ര പെരുനാട് അവതരിപ്പിക്കുന്ന നൃത്ത സന്ധ്യ. 11ന് പള്ളിവേട്ട, 11 30ന് യാമപൂജ, കലശപൂജ, പുഷ്പാഭിഷേകം, മഹാശിവരാത്രി പൂജ, ഭജന. 16ന് ഉച്ചയ്ക്ക് 2 30ന് ആറാട്ട് എഴുന്നള്ളത്ത് തുടർന്ന് കൊടിയിറക്ക്, ആറാട്ട് കലശം, മഹാദീപാരാധന, തുടർന്ന് ഭക്തിഗാനസുധ എന്നിവയോടെ സമാപനം
