കൊല്ലം : ലോറി ബൈക്കില് തട്ടി അപകടം എസ്ഐ മരണപ്പെട്ടു. കൊല്ലം മുളങ്കാടകം സ്വദേശി സുരേഷ് കുമാറാണ്(52) മരിച്ചത്. ഈസ്റ്റ് പോലീസ് സ്റ്റേഷനിലെ ഗ്രേഡ് എസ്.ഐയാണ് മരിച്ച സുരേഷ് കുമാര്. ഡ്യൂട്ടിക്കായി പോലീസ് സ്റ്റേഷനിലേക്ക് ബൈക്കില് പോകുന്നതിനിടെ ഇരുമ്പുപാലത്തിന് സമീപം റെഡി മിക്സ് ലോറി തട്ടിയാണ് അപകടം ഉണ്ടായത്. ലോറി തട്ടി റോഡിലേയ്ക്കു വീണ സുരേഷ് കുമാറിന്റെ തലയ്ക്കാണ് പരിക്ക് പറ്റിയത്. ഉടന് തന്നെ നാട്ടുകാര് കൊല്ലം ജില്ലാ ആശുപത്രിയിലും തുടര്ന്ന് കൊല്ലം മെഡിസിറ്റി ആശുപത്രിയിലും പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
