ഭക്ഷണം കഴിക്കുമ്പോഴോ അതിനു ശേഷമോ വെള്ളം കുടിക്കുന്നത് ദോഷകരമാണെന്ന് പല വിദഗ്ധരും പറയുന്നു. എന്താണ് ഇതിന് കാരണമെന്ന് പലര്ക്കും അറിയില്ല. വയറ്റിലെ ഭക്ഷണവുമായി വെള്ളം കലര്ന്ന് കട്ടിയുള്ള മിശ്രിതം ഉണ്ടാകുന്നു. ഇത് ദഹനത്തിന്റെ വേഗത കുറയ്ക്കുന്നു. കൂടാതെ, ആമാശയത്തിലെ ഭക്ഷണത്തെ നേര്പ്പിക്കാന് വെള്ളത്തിന് കഴിയും, ഇത് ആമാശയത്തില് വാതക രൂപീകരണത്തിനുള്ള സാധ്യത വര്ദ്ധിപ്പിക്കുന്നു.
ഭക്ഷണം കഴിച്ചയുടന് വെള്ളം കുടിച്ചാല് എന്തൊക്കെ പ്രശ്നങ്ങളുണ്ടാകുമെന്ന് നോക്കാം. ഭക്ഷണം കഴിച്ചയുടന് വെള്ളം കുടിക്കുമ്പോള് അത് ആമാശയത്തിലെ ഭക്ഷണവുമായി കലരുന്നു. ഇത് ആമാശയത്തിലെ ആസിഡും ദഹന എന്സൈമുകളും നേര്പ്പിക്കുകയും ചെയ്യുന്നു. ഇത് ഭക്ഷണം ദഹിപ്പിക്കാന് പ്രയാസമാക്കി മാറ്റുകയും പിന്നീട് ഇത് വയറുവേദനയ്ക്ക് കാരണമാകുകയും ചെയ്യുന്നു. ഭക്ഷണം കഴിച്ചയുടന് വെള്ളം കുടിക്കുന്നത് ഭക്ഷണവുമായി കലരുന്ന് ആമാശയത്തില് ഗ്യാസ് രൂപപ്പെടാനുള്ള സാധ്യത വര്ദ്ധിപ്പിക്കുന്നു. ഭക്ഷണശേഷം വെള്ളം കുടിക്കുന്നതും ചിലരില് വയറുവേദനയ്ക്ക് കാരണമാകും. കാരണം, വെള്ളം ആമാശയത്തിലെ ഭക്ഷണത്തെ നേര്പ്പിക്കുകയും ആമാശയത്തിന് ചുറ്റുമുള്ള പേശികളില് സ്തംഭനാവസ്ഥ ഉണ്ടാക്കുകയും ചെയ്യും. നിങ്ങള്ക്ക് വെള്ളം കുടിക്കണമെങ്കില്, ഭക്ഷണത്തിന് ശേഷം കുറഞ്ഞത് 30 മിനിറ്റെങ്കിലും ഇടവേള എടുത്ത ശേഷം കുടിക്കുക.
