ഡെല്ഹി: പഞ്ചാബി ഗായകനും കോണ്ഗ്രസ് നേതാവുമായ സിദ്ദു മൂസ്വാല കൊലക്കേസില് ഒരാള് കൂടി അറസ്റ്റില്. ഗുണ്ട തലവന് മുഹമ്മദ് രാജയാണ് അറസ്റ്റിലായത്. ബിഹാറിലെ ഗോപാല്ഗഞ്ചില് നിന്നുമാണ് പഞ്ചാബ് പോലീസിന്റ പ്രത്യേക അന്വേഷണ സംഘം ഇയാളെ പിടികൂടിയത്. കസ്റ്റഡിയിലുള്ള ലോറന്സ് ബിഷ്ണോയില് നിന്നും ലഭിച്ച വിവരത്തിന്റെ അടിസ്ഥാനത്തില് ആണ് അറസ്റ്റ്. ഗൂഢാലോചന സംബന്ധിച്ച നിര്ണായക വിവരങ്ങളും ലോറന്സ് ബിഷ്ണോയിയില് നിന്നും ലഭിച്ചു.
ലോറന്സ് ബിഷ്ണോയി അടക്കം 5 പേരാണ് ഗൂഢാലോചന നടത്തിയത്. ലോറന്സ് ബിഷ്ണോയ്, ഗോള്ഡി ബ്രാര്, സച്ചിന് ധാപന്, അന്മോള് ബിഷ്ണോയ്, വിക്രം ബ്രാര് എന്നിവരാണ് കൊലപാതകം ആസൂത്രണം ചെയ്തത്. കൊലപാതകത്തിനുള്ള ആയുധങ്ങള് പാകിസ്ഥാനില് നിന്നുമാണ് എത്തിച്ചതെന്ന് ലോറന്സ് ബിഷ്ണോയ് വെളിപ്പെടുത്തി. ബുള്ളറ്റ് പ്രൂഫ് വാഹനത്തില് ആണെങ്കില് പോലും മൂസ്വാലയെ കൊലപ്പെടുത്തുക എന്ന ലക്ഷ്യത്തോടെയാണ് എഎന്94 റൈഫിള് ഉപയോഗിച്ചതെന്നും ബിഷ്ണോയ് പറഞ്ഞു. കൊലപാതക സ്ഥലത്തുനിന്നും ലഭിച്ച പെട്രോള് പമ്പ് ബില്ല് കേന്ദ്രീകരിച്ചു നടത്തിയ അന്വേഷണമാണ് കേസില് വഴിത്തിരിവായതെന്ന് പോലീസ് പറയുന്നു.