വടകര : കെ – റെയില് സില്വര് ലൈന് പദ്ധതിക്ക് വേണ്ടി മണ്ഡലത്തില് സര്വേക്കല്ല് സ്ഥാപിക്കുന്നത് ജനങ്ങളോടൊപ്പം ചേര്ന്നുതടയുമെന്ന് കെ.കെ രമ എം.എല്.എ പറഞ്ഞു. ബഫര്സോണ് കാര്യത്തില് മന്ത്രിയും അധികൃതരും പറയുന്നത് രണ്ട് തരത്തിലാണ്. പുതുപ്പണം കെ – റെയില് വിരുദ്ധസമിതി സംഘടിപ്പിച്ച ഇരകളുടെ സമരസംഗമം ഉദ്ഘാടനം ചെയ്യുകയായിരുന്നു രമ. ജില്ല ചെയര്മാന് ടി.ടി ഇസ്മയില് മുഖ്യപ്രഭാഷണം നടത്തി. സമരസമിതി ചെയര്മാന് പി.എം മുസ്തഫ അധ്യക്ഷത വഹിച്ചു. കൗണ്സിലര്മാരായ കെ.റജീന, ഫൗസിയ, രാഷ്ടീയപാര്ട്ടി നേതാക്കളായ വിജയ ബാബു, കെ.സഹീര്, അബ്ദുറബ്ബ്, നിസ്താര്, ഷാജഹാന്, നസീര്, എന്നിവര് സംസാരിച്ചു. എ.പി ഷാജിത്ത് സ്വാഗതവും വി.ടി വിനീഷ് നന്ദിയും പറഞ്ഞു.
