ചങ്ങനാശ്ശേരി : ഇന്നലെ പോലീസ് നരനായാട്ട് നടത്തി സ്ഥാപിച്ച കുറ്റികള് പിഴുതെറിഞ്ഞു. ചങ്ങനാശേരി മാടപ്പള്ളിയില് സ്ഥാപിച്ച സില്വര്ലൈന് കല്ലുകളില് മൂന്നെണ്ണം പിഴുതുമാറ്റിയത്. സ്ത്രീകളെയടക്കം വലിച്ചിഴച്ച പോലീസ് നടപടിയില് പ്രതിഷേധിച്ച് സമരസമിതി ഹര്ത്താല് പുരോഗമിക്കുന്നതിനിടെയാണ് കല്ലുകള് പിഴുതുമാറ്റിയത്. സമരസമിതിയുടെ പ്രതിഷേധ മാര്ച്ച് 10 മണിക്ക് ആരംഭിക്കും സംഘര്ഷ സാധ്യത കണക്കിലെടുത്ത് വന് പോലീസ് സന്നാഹമാണ് സ്ഥലത്ത് ഒരുക്കിയിരിക്കുന്നത്. സമരക്കാര്ക്ക് പിന്തുണയുമായി യുഡിഎഫ് നേതാക്കളും ഇന്ന് മാടപ്പള്ളിയിലെത്തും. പ്രതിപക്ഷ നേതാവ് വി.ഡി സതീശന്, രമേശ് ചെന്നിത്തല, ഉമ്മന്ചാണ്ടി എന്നിവര് മാടപ്പള്ളി സന്ദര്ശിക്കും. ഹര്ത്താലിനെ തുടര്ന്ന് ചങ്ങനാശേരി മണ്ഡലത്തിലെ കടകമ്പോളങ്ങള് അടഞ്ഞുകിടക്കുന്നു. എന്നാല് വാഹന ഗതാഗതം തടസ്സപ്പെടുത്തിയിട്ടില്ല.
