ഡല്ഹി : രാജ്യത്ത് നടക്കുന്ന അഗ്നിപഥ് പ്രതിഷേധം കേന്ദ്ര കമ്മിറ്റി യോഗം ചര്ച്ച ചെയ്യുമെന്ന് സിപിഎം ജനറല് സെക്രട്ടറി സീതാറാം യെച്ചൂരി. അഗ്നിപഥ് രാജ്യത്തിന്റെ സുരക്ഷയെ ബാധിക്കുന്നതാണ്. യുവാക്കളുടെ തൊഴിലിനെയും പ്രതികൂലമായി ബാധിക്കുമെന്നും അതിനാല് തന്നെ പദ്ധതി അടിയന്തരമായി പിന്വലിക്കണമെന്നും യെച്ചൂരി പറഞ്ഞു. അഗ്നിപഥ് പദ്ധതിക്കെതിരെ എല്ലാ രാഷ്ട്രീയ പാര്ട്ടികളും പ്രതിഷേധങ്ങളെ പിന്തുണച്ച് രംഗത്ത് വരണം. സ്ഥിരം റിക്രൂട്ട്മെന്റുകള് വര്ധിപ്പിക്കുകയാണ് വേണ്ടതെന്നും യെച്ചൂരി തുറന്നടിച്ചു.
