പത്തനംതിട്ട : ശിവശങ്കർ വിഷയത്തിൽ ധാർമ്മിക ഉത്തരവാദിത്വം ഏറ്റെടുത്ത് മുഖ്യമന്ത്രി പിണറായി വിജയൻ രാജിവെയ്ക്കണമെന്നാവശ്യപ്പെട്ട് ബി.ജെ.പി പത്തനംതിട്ട ജില്ലാ കമ്മറ്റിയുടെ നേതൃത്വത്തിൽ മാർച്ചും ധർണ്ണയും നടത്തി.
അബാൻ ജംഗ്ഷനിൽ നിന്നാരംഭിച്ച പ്രതിക്ഷേധ മാർച്ച് ടൗൺ ചുറ്റി പത്തനംതിട്ട സിവിൽ സ്റ്റേഷൻ പടിക്കൽ സമാപിച്ചു. തുടർന്ന് നടന്ന ധർണ്ണ ബി.ജെപി ജില്ലാ പ്രസിഡന്റ് അശോകൻ കുളനട ഉദ്ഘാടനം ചെയ്തു. വൈകിട്ട് ബി ജെ പി എല്ലാ കേന്ദ്രങ്ങളിലും ധർണ്ണ നടത്തും, കൂടാതെ മുഖ്യമന്ത്രി രാജിവെയ്ക്കണം എന്നാവശ്യപ്പെട്ട് നവംബർ 1ന് സംസ്ഥാനത്തെ എം.സി റോഡുകളിൽ പ്രതിക്ഷേധ ധർണ്ണകൾ നടത്തുമെന്നും ഭാരവാഹികള് പറഞ്ഞു.
