കടുത്തുരുത്തി: ഏതാനും മാസങ്ങൾക്കിടെ പത്തോളം പെരുമ്പാമ്പുകളെ പ്രദേശത്തുനിന്നു പിടികൂടിയതായി നാട്ടുകാർ പറഞ്ഞു. ഇവയെ വനം വകുപ്പിനു കൈമാറുകയാണു ചെയ്യുന്നത്. പഞ്ചായത്തിന്റെ താഴ്ന്ന പ്രദേശങ്ങളാണ് ഈ മേഖല. കാലവർഷത്തിൽ ചുള്ളിത്തോടിലൂടെയും ആപ്പാഞ്ചിറ തോടിലൂടെയും ഒഴുകിയെത്തുന്നതാണ് ഇവയെന്നു കരുതുന്നു. പാടശേഖരങ്ങളിൽ കൃഷി സമയമായതിനാൽ വെള്ളം വറ്റിക്കുകയാണ്. ഇതോടെയാണ് പാമ്പുകൾ ജനവാസമേഖലയിലേക്ക് എത്തിയത്. രാത്രി പെരുമ്പാമ്പ് റോഡിൽ കിടക്കുന്നതു കണ്ട് ഇരുചക്രവാഹന യാത്രക്കാർ ഭയപ്പെട്ട സംഭവങ്ങളുണ്ടെന്നും വളർത്തുമൃഗങ്ങൾക്കും ഇവ ഭീഷണിയാണെന്നും പഞ്ചായത്തംഗം നോബി മുണ്ടക്കൻ പറഞ്ഞു.
