ന്യുഡല്ഹി : രാജ്യത്തെ ഏറ്റവും വലിയ കമ്പനികളിലൊന്നായ റിലയൻസ് ഇൻഡസ്ട്രീസ് 2022 സാമ്പത്തിക വർഷത്തിൽ 1,184.93 കോടി രൂപ സാമൂഹിക പ്രതിബദ്ധതയുടെ പ്രവർത്തനങ്ങൾക്കായി ചെലവഴിച്ചു. മുകേഷ് അംബാനിയുടെ നേതൃത്വത്തിലുള്ള കമ്പനി 2021 സാമ്പത്തിക വർഷത്തിൽ 922 കോടി രൂപയുടെ ബജറ്റുമായി രാജ്യത്തെ പട്ടികയിൽ ഒന്നാമതെത്തി. റിലയൻസ് ഇൻഡസ്ട്രീസിന്റെ ജീവകാരുണ്യ വിഭാഗമായ റിലയൻസ് ഫൗണ്ടേഷനാണ് സിഎസ്ആർ ഫണ്ടുകൾ വിവിധ മേഖലകളിൽ ചെലവഴിക്കുന്നത്.
ആരോഗ്യം, വിദ്യാഭ്യാസം, ഗ്രാമീണ മേഖലയുടെ ഉന്നമനം എന്നിവയ്ക്കാണ് ഫൗണ്ടേഷൻ ഊന്നൽ നൽകുന്നത്. നിത അംബാനിയാണ് ഫൗണ്ടേഷൻ നേതൃത്വം നൽകുന്നത്. കോവിഡ് -19 മഹാമാരിയുടെ സമയത്ത്, മിഷൻ ഓക്സിജൻ, മിഷൻ വാക്സിൻ സുരക്ഷ എന്നിവയുൾപ്പെടെ അഞ്ച് ദൗത്യങ്ങൾ കമ്പനി ഏറ്റെടുത്തു. രണ്ടാം തരംഗത്തിൽ പ്രതിദിനം 1,000 ടൺ ഓക്സിജൻ ഉത്പാദിപ്പിക്കുകയും ഒരു ലക്ഷം രോഗികൾക്ക് സൗജൻയമായി വിതരണം ചെയ്യുകയും ചെയ്തു.
