തിരുവനന്തപുരം: സോളാര് കേസിന്റെ അന്വേഷണം സി.ബി.ഐക്ക് വിട്ടത് ബി.ജെ.പിയുമായുള്ള രഹസ്യധാരണ പ്രകാരമാണെന്ന് പ്രതിപക്ഷ നേതാവ് രമേശ് ചെന്നിത്തല. ഓലപ്പാമ്പ് കാണിച്ച് യു.ഡി.എഫിനെ വിരട്ടാന് നോക്കേണ്ടെന്നും സര്ക്കാര് നടപടിയെ രാഷ്ട്രീയമായി നേരിടുമെന്നും ചെന്നിത്തല പറഞ്ഞു.
തെരഞ്ഞെടുപ്പില് തിരിച്ചടിയുണ്ടാവുമെന്ന് ഉറപ്പായപ്പോഴാണ് വീണ്ടും സോളാര് കേസ് കുത്തിപ്പൊക്കിയത്. വാളയാര് പീഡനക്കേസിലും പെരിയ ഇരട്ടക്കൊലയിലും സി.ബി.ഐയെ എതിര്ത്ത സര്ക്കാരാണ് സോളാര് സി.ബി.ഐയെ ഏല്പ്പിക്കുന്നതെന്നും ചെന്നിത്തല കുറ്റപ്പെടുത്തി.
സോളാര് കേസ് സി.ബി.ഐക്ക് വിടാന് കഴിഞ്ഞ ദിവസം സര്ക്കാര് തീരുമാനമെടുത്തിരുന്നു. സോളാര് സംബന്ധിച്ച ആറ് പീഡന കേസുകളാണ് സി.ബി.ഐക്ക് വിടാന് സര്ക്കാര് തീരുമാനം എടുത്തത്. കേസ് സംബന്ധിച്ച് ഇര മുഖ്യമന്ത്രി പിണറായി വിജയന് പരാതി നല്കിയിരുന്നു. ഇത് പരിഗണിച്ചാണ് നടപടി. ഉമ്മന് ചാണ്ടി, കെ.സി.വേണുഗോപാല്, എ.പി. അനില്കുമാര്, അടൂര് പ്രകാശ്, അബ്ദുല്ലക്കുട്ടി, ഹൈബി ഈഡന് തുടങ്ങിവര്ക്കെതിരായ ആറ് കേസുകളാണ് സി.ബി.ഐക്ക് വിടുന്നത്.