തിരുവനന്തപുരം : സ് പ്രിങ്ക്ലര് പുതിയ സമിതി അധ്യക്ഷൻ 75,000 രൂപ ശമ്പളം ആവശ്യപ്പെട്ട് പൊതു ഭരണ വകുപ്പിന് നൽകിയ കത്ത് പുറത്ത്. വീഡിയോ കോൺഫറൻസ് വഴി ചേർന്ന യോഗത്തിലാണ് 75000 രൂപ വേതനം ആവശ്യപ്പെടാനുള്ള തീരുമാനം. ഇതിന്റെ മിനിട്ട്സും പുറത്തായി.
ചെയർമാന് 75,000 രൂപ ശമ്പളം വേണം, റിട്ടേയർഡ് നിയമവകുപ്പ് സ്പെഷ്യൽ സെക്രട്ടറിയെ കൺസൾട്ടന്റാക്കണം, ഡോ വിനയ ബാബു എന്ന അംഗത്തിന് സിറ്റിംഗ് ഫീ 3000 നല്കണം, കൂടാതെ വർക്കിന്റെ വോള്യത്തിന്റെ അടിസ്ഥാനത്തിൽ പ്രതിഫലം നിശ്ചയിക്കണം, ഡാറ്റ എൻട്രി ഓപ്പറേറ്റർക്ക് 7500 രൂപ നല്കണം, ഓഫിസ് അറ്റൻഡര്ക്ക് 5000 രൂപ കൊടുക്കണം തുടങ്ങിയ ആവശ്യങ്ങൾ ഉന്നയിച്ച് ഡിസംബര് ഒന്പതിനാണ് പൊതുഭരണ സെക്രട്ടറിക്ക് ചെയര്മാന് കത്തയച്ചത്. ഈ കത്താണ് ഇപ്പോള് പുറത്തായിരിക്കുന്നത്.