ന്യൂഡല്ഹി: ഉപാധികള് അംഗീകരിച്ചാല് സോനം വാങ്ചുക്ക് സമരം അവസാനിപ്പിക്കാമെന്നറിയിച്ചതായി ഭാര്യ ഗീതാഞ്ജലി ജെ ആങ്മോ. രാഷ്ട്രീയ നേതാക്കള് സോനത്തെ സന്ദര്ശിക്കണമെന്നും വര്ഷകാല സമ്മേളനത്തില് വിദ്യാഭ്യാസ പ്രശ്നങ്ങളില് ശക്തമായ ഇടപെടല് ഉണ്ടാകണമെന്നുമാണ് മുന്നോട്ട് വെക്കുന്ന ഉപാധികള്. ഈ ആവശ്യങ്ങള് അംഗീകരിച്ചാല് സോനം നാളെ അനിശ്ചിതകാല നിരാഹാര സമരം നിര്ത്തുമെന്നാണ് ഗീതാഞ്ജലി വ്യക്തമാക്കിയത്. ജന്തർ മന്തറിൽ പ്രതിഷേധിക്കുന്ന കോക്രോച്ച് ജനതാ പാർട്ടി പ്രവർത്തകരെ അഭിസംബോധന ചെയ്ത് സംസാരിക്കുകയായിരുന്നു അവർ.പ്രതിഷേധം സമാധാനപരമായി കൊണ്ടു പോകണമെന്ന് സോനം പറഞ്ഞതായും അവർ കൂട്ടിച്ചേർത്തു.
‘രാഷ്ട്രീയ നേതാക്കൾ ആശുപത്രിയിൽ എത്തി സോനത്തെ കാണുകയും വര്ഷകാല സമ്മേളനത്തില് വിദ്യാഭ്യാസ മേഖലയിലെ പ്രശ്നങ്ങൾ ഉന്നയിക്കുമെന്ന് ഉറപ്പുനൽകുകയും ചെയ്താൽ, അദ്ദേഹം നാളെ നിരാഹാര സമരം അവസാനിപ്പിക്കും. നാളത്തെ മാർച്ച് സമാധാനപരമായി നടത്തണമെന്നും പ്രതിഷേധം ദുരുപയോഗം ചെയ്യപ്പെടുന്നില്ലെന്ന് ഉറപ്പാക്കണമെന്നും സോനം നമ്മളോട് അഭ്യർത്ഥിച്ചു’ അവർ പറഞ്ഞു.
