തിരുവനന്തപുരം : കാർഷികവികസന കർഷകക്ഷേമ വകുപ്പിലെ നോൺ ഗസറ്റഡ് ജീവനക്കാരുടെ നിരവധിയായ സേവന പ്രശ്നങ്ങൾ പരിഹരിക്കാനായി സ്പെഷ്യൽ റൂൾസ് അടിയന്തിരമായി രൂപീകരിക്കണമെന്ന് ജോയിന്റ് കൗൺസിൽ ജനറൽ സെക്രട്ടറി കെ.പി ഗോപകുമാർ ആവശ്യപ്പെട്ടു. കേരള അഗ്രികൾച്ചറൽ മിനിസ്റ്റീരിയൽ സ്റ്റാഫ് ഫെഡറേഷൻ (കാംസഫ്) അംഗത്വവിതരണ കാമ്പയിന്റെ സംസ്ഥാനതല ഉദ്ഘാടനം വികാസ് ഭവനിലെ കാർഷികവികസന കർഷകക്ഷേമ വകുപ്പ് ഡയറക്ടറേറ്റ് അങ്കണത്തിൽ നിർവഹിച്ച് സംസാരിക്കുകയായിരുന്നു അദ്ദേഹം.
കാംസഫ് സംസ്ഥാന ട്രഷറർ ആർ.സരിത അധ്യക്ഷത വഹിച്ചു. സംസ്ഥാന പ്രസിഡന്റ് സതീഷ് കണ്ടല, വൈസ് പ്രസിഡന്റ് ദേവികൃഷ്ണ.എസ്, സംസ്ഥാന കമ്മിറ്റി അംഗങ്ങളായ വൈശാഖ്.വി, പ്രീതി ബി.എസ്, തിരുവനന്തപുരം ജില്ലാ സെക്രട്ടറി ആർ.ശരത്ചന്ദ്രൻ നായർ, ജില്ലാ പ്രസിഡന്റ് എസ്.ബൈജു, ജില്ലാ ജോയിന്റ് സെക്രട്ടറി സനൽകുമാർ യു.വി തുടങ്ങിയവർ പങ്കെടുത്തു.
