തിരുവല്ല : റോഡില് വീണ ഓയിലില് തെന്നി വീണ് ബൈക്ക് യാത്രകര്ക്ക് പരിക്ക്. അഴിയിടത്തു ചിറയിൽ റോഡിൽ പരന്നൊഴുകിയ ഓയിലിൽ കയറി നിയന്ത്രണം വിട്ട ബൈക്ക് മറിഞ്ഞ് മൂന്ന് യാത്രികർക്ക് പരിക്ക്. ടാങ്കറിൽ നിന്നും ചോർന്ന ഓയിൽ റോഡിൽ പരന്നൊഴുകിയതാണ് അപകടത്തിന് ഇടയാക്കിയത്. അപകടങ്ങളെ തുടർന്ന് അഗ്നിശമന സേനയെത്തി റോഡ് കഴുകി വൃത്തിയാക്കി. കാവുംഭാഗം – ഇടിഞ്ഞില്ലം റോഡിൽ അഴിയിടത്തുചിറ ഇളയിടം ഭാഗത്തെ കൊടുംവളവിൽ ആണ് അപകടം. ഇന്ന് പുലർച്ചെ ആറു മണിയോടെ ആയിരുന്നു സംഭവം.
അപകടത്തെ തുടര്ന്ന് ഈ റോഡില് ഏറെ നേരം ഗതാഗതം തടസ്സപ്പെട്ടു. പുലർച്ചെ അഞ്ചരയോടെ കരി ഓയിൽ കയറ്റി ചങ്ങനാശ്ശേരി ഭാഗത്തേക്ക് പോയ ടാങ്കറിൽ നിന്നും ചോർന്ന ഓയിലാണ് അപകടങ്ങൾക്ക് കാരണമായത്. തിരുവല്ലയിൽ നിന്നുമെത്തിയ അഗ്നിശമന സേനാംഗങ്ങൾ റോഡ് കഴുകി വൃത്തിയാക്കിയതിനു ശേഷമാണ് ഗതാഗതം പുനസ്ഥാപിച്ചത്.
