പത്തനംതിട്ട : ജില്ലാ പഞ്ചായത്ത് പള്ളിക്കൽ ഡിവിഷൻ അംഗമായ ശ്രീനാദേവി കുഞ്ഞമ്മ ഇന്ത്യൻ നാഷണൽ കോൺഗ്രസിൽ ചേർന്നു. ഡിസിസി ഓഫീസിലെത്തിയ ശ്രീനാദേവിക്ക് പ്രസിഡൻ്റ് പ്രൊഫ. സതീഷ് കൊച്ചു പറമ്പിൽ അംഗത്വം നൽകി. എ ഐ വൈ എഫ് സംസ്ഥാന കമ്മിറ്റിയംഗമായ ശ്രീനാദേവി സി പി ഐ നേതൃത്വവുമായുള്ള അഭിപ്രായ ഭിന്നത കാരണമാണ് കോൺഗ്രസിൽ ചേർന്നത്.
കെ പി സി സി ജനറൽ സെക്രട്ടറി പി മോഹൻരാജ്, മുൻ എം എൽ എ മാലേത്ത് സരളാദേവി, കെ പി സി സി നിർവാഹക സമിതി അംഗം ജോർജജ് മാമൻ കൊണ്ടൂർ, ഡി സി സി വൈസ് പ്രസിഡൻ്റ് എ സുരേഷ് കുമാർ, ഡി സി സി ജനറൽ സെക്രട്ടറിമാരായ സജി കൊട്ടക്കാട് എലിസബത്ത് അബു, മഹിളാ കോൺഗ്രസ് ജില്ലാ പ്രസിഡൻ്റ് രജനി പ്രദീപ്, കോൺഗ്രസ് ബ്ലോക്ക് പ്രസിഡൻ്റ് ജെറി മാത്യു സാം, യൂത്ത് കോൺഗ്രസ് സംസ്ഥാന സെക്രട്ടറി നഹാസ് പത്തനംതിട്ട, പി കെ ഇക്ബാൽ, അജിത് മണ്ണിൽ, അബ്ദുൾ ഷുക്കൂർ എന്നിവർ ചടങ്ങിൽ സന്നിഹിതരായിരുന്നു.
