പത്തനംതിട്ട : ശബരിമലയിലെ സ്വർണ്ണക്കൊള്ളയുടെ ഉത്തരവാദിത്വം ഏറ്റെടുത്ത് ദേവസ്വം വകുപ്പ് മന്ത്രി രാജി വെയ്ക്കണമെന്ന് ആവശ്യപ്പെട്ടും എല്ലാ പ്രതികളേയും അറസ്റ്റ് ചെയ്യണമെന്നും ആവശ്യപ്പെട്ട് കെ.പി.സി.സി ആഹ്വാനം അനുസരിച്ച് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മലയാലപ്പുഴയിൽ വിശ്വാസ സംരക്ഷണ ദീപം തെളിയിച്ചു. ക്ഷേത്രം ജംഗ്ഷനിൽ സംഘടിപ്പിച്ച ദീപം തെളിയിക്കൽ പരിപാടി ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു.
ഡി.സി.സി വൈസ് പ്രസിഡന്റ് വെട്ടൂർ ജ്യോതിപ്രസാദ് മുഖ്യപ്രഭാഷണം നടത്തി. ഡി.സി.സി ജനറൽ സെക്രട്ടറി എലിസബത്ത് അബു, ശ്യാം എസ, മലയാലപ്പുഴ വിശ്വംഭരൻ, ശശീധരൻ നായർ പാറയരുകിൽ, ബിജിലാൽ ആലുനിൽക്കുന്നതിൽ, മോനി കടമ്പാട്ട്, മോളി തോമസ്, ബിന്ദു ജോർജ്ജ്, കലാ ബാലൻ, കേണൽ പി.എ മാത്യു, സാബു പുതുക്കുളം, രഞ്ജിത് തുണ്ടിയിൽ എന്നിവർ പ്രസംഗിച്ചു.
