തിരുവനന്തപുരം : സംസ്ഥാനത്ത് എസ്എസ്എല്സി, പ്ലസ് ടു പരീക്ഷകള്ക്ക് മാറ്റമില്ല. കൊവിഡ് മാനദണ്ഡങ്ങള് പാലിച്ചാണ് പരീക്ഷകള് പുരോഗമിക്കുന്നതെന്ന് വിദ്യാഭ്യാസ വകുപ്പ് അറിയിച്ചു. അധ്യാപകരും വിദ്യാര്ഥികളും ട്രിപ്പിള് ലയര് മാസ്ക് ധരിക്കണം. അതോടൊപ്പം വിദ്യാര്ഥികളുടെ ശരീര ഊഷ്മാവ് പരിശോധിക്കുമെന്നും വിദ്യാഭ്യാസ വകുപ്പ് അറിയിച്ചു.
എസ്എസ്എല്സിക്ക് നാല് പരീക്ഷകളാണ് ഇനി അവശേഷിക്കുന്നത്. കോവിഡ് സുരക്ഷാ മാനദണ്ഡങ്ങള് പാലിക്കുന്നതിന്റെ ഭാഗമായി പരീക്ഷാ കേന്ദ്രങ്ങളില് വിദ്യാര്ഥികള് സാമൂഹിക അകലം പാലിച്ച് പരീക്ഷ പൂര്ത്തീകരിക്കുന്നതിനുള്ള നടപടികള് കൈകൊണ്ടിട്ടുണ്ടെന്ന് പറയുന്നു.
