23 C
Pathanāmthitta
Wednesday, October 28, 2020 5:57 am
Advertisment

സ്റ്റേഡിയങ്ങള്‍ തുറക്കും ; പക്ഷേ കളി കാണാന്‍ ഇനിയും കാത്തിരിക്കണം

ഡല്‍ഹി : ഇന്ത്യയിലെ ലോക്ഡൗണ്‍ നാലാംഘട്ടത്തില്‍ സ്‌പോര്‍ട്സ് കോംപ്ലക്‌സുകള്‍ തുറക്കാന്‍ അനുമതി നല്‍കിയെങ്കിലും കായിക മത്സരങ്ങള്‍ തുടങ്ങാന്‍ ഇനിയും കാത്തിരിക്കണം. മേയ് 31 വരെ നീളുന്ന നാലാംഘട്ട ലോക്ഡൗണില്‍ സ്‌പോര്‍ട്സ് കോംപ്ലക്‌സുകളും സ്റ്റേഡിയങ്ങളും തുറക്കാമെന്നും കാണികളില്ലാതെ മത്സരം നടത്താമെന്നും കഴിഞ്ഞ ദിവസം കേന്ദ്ര ആഭ്യന്തര മന്ത്രാലയം പുറത്തിറക്കിയ മാര്‍ഗനിര്‍ദേശത്തില്‍ പറയുന്നു. ഇതോടെ മുന്‍നിര കായികതാരങ്ങള്‍ക്ക് പരിശീലനം കൂടുതല്‍ സജീവമാക്കാം. പക്ഷേ കായിക മത്സരങ്ങള്‍ തുടങ്ങുന്ന കാര്യം ദേശീയ സ്‌പോര്‍ട്സ് ഫെഡറേഷനുകള്‍ ഇപ്പോള്‍ പരിഗണിക്കുന്നില്ല.

Advertisement

ഇന്ത്യന്‍ പ്രീമിയര്‍ ലീഗ് (ഐ.പി.എല്‍.) ക്രിക്കറ്റ് തുടങ്ങാന്‍ സാധ്യതയുണ്ടോ എന്ന് സംഘാടകരും ആരാധകരും ഉറ്റുനോക്കുന്നു. എന്നാല്‍ അഭ്യന്തര – അന്താരാഷ്ട്ര വിമാന സര്‍വീസുകള്‍ തുടങ്ങാതെ ക്രിക്കറ്റ് മത്സരം നടത്താനാകില്ലെന്ന് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബി.സി.സി.ഐ) ട്രഷറര്‍ അരുണ്‍കുമാര്‍ ധൂമല്‍ പറഞ്ഞു. മാര്‍ച്ച് അവസാനം തുടങ്ങേണ്ടിയിരുന്ന ഐപിഎല്‍ അനിശ്ചിതകാലത്തേക്ക് നീട്ടിവെച്ചിരിക്കുകയാണ്. ഐപിഎല്ലില്‍ ഒട്ടേറെ വിദേശതാരങ്ങള്‍ കളിക്കുന്നുണ്ട്. അന്താരാഷ്ട്ര വിമാന സര്‍വീസുകള്‍ ഉടനെയൊന്നും സാധാരണ നിലയിലാകില്ല. ചില രാജ്യങ്ങള്‍ നീണ്ട കാലത്തേക്ക് യാത്രാനിയന്ത്രണം പ്രഖ്യാപിച്ചിട്ടുണ്ട്.

ഇന്ത്യന്‍ താരങ്ങള്‍ തന്നെ പല സ്ഥലങ്ങളിലായി കുടുങ്ങിയിരിക്കുകയാണ്. മുംബൈ, ഡല്‍ഹി, ചെന്നൈ തുടങ്ങിയ മെട്രോ നഗരങ്ങളില്‍ നിയന്ത്രണം കര്‍ശനമായതിനാല്‍ ഇവിടെ നിന്ന് പെട്ടെന്നൊന്നും യാത്ര അനുവദിക്കില്ല. ചില നഗരങ്ങളില്‍ സ്റ്റേഡിയം കൊവിഡ് പ്രതിരോധ പ്രവര്‍ത്തനങ്ങള്‍ക്കായി വിട്ടുകൊടുത്തിട്ടുണ്ട്. ഈ സാഹചര്യത്തില്‍ ഐപിഎല്‍ തുടങ്ങുന്ന കാര്യത്തില്‍ എന്തെങ്കിലും പറയാന്‍ സമയമായിട്ടില്ലെന്ന് ബി.സി.സി.ഐ വൃത്തങ്ങള്‍ വ്യക്തമാക്കി. എന്നാല്‍ വീടുകളില്‍ കഴിഞ്ഞിരുന്ന താരങ്ങള്‍ക്ക് ഫിറ്റ്നസ് വീണ്ടെടുക്കാനുള്ള പരിശീലനത്തിന് സ്റ്റേഡിയങ്ങള്‍ ഉപയോഗിക്കാം. സംസ്ഥാന അസോസിയേഷനുകളുമായി ചേര്‍ന്ന് താരങ്ങള്‍ക്ക് കൃത്യമായ പരിശീലന പദ്ധതി തയ്യാറാക്കുമെന്നും അരുണ്‍ ധുമല്‍ പറഞ്ഞു.

Most Popular

ആറു മാസം കൊണ്ട് വൈദ്യുതി മോഷ്ടാക്കളില്‍ നിന്ന് പിഴ ഈടാക്കിയത് രണ്ട് കോടി 29 ലക്ഷം രൂപ

മലപ്പുറo : കോവിഡ് കാലത്തും വൈദ്യുതി മോഷണം സജീവമാണ്. ആറു മാസം കൊണ്ട് വൈദ്യുതി മോഷ്ടാക്കളില്‍ നിന്ന് രണ്ട് കോടി 29 ലക്ഷം രൂപയാണ് പിഴയായി സര്‍ക്കാര്‍ ഈടാക്കിയത്. വൈദ്യുതി മോഷണത്തില്‍ ഏറ്റവും...

‘കാഷ് ഓണ്‍ ഡെലിവറി’യായി 6 ലക്ഷം രൂപയുടെ സ്വര്‍ണം വരുത്തി കവര്‍ച്ച ; കൊറിയര്‍ കമ്പനി ജീവനക്കാരന്‍ പോലീസ് പിടിയില്‍

ആലുവ: വ്യാജ വിലാസങ്ങള്‍ നല്‍കി 'കാഷ് ഓണ്‍ ഡെലിവറി'യായി 6 ലക്ഷം രൂപയുടെ സ്വര്‍ണം വരുത്തി കവര്‍ച്ച നടത്തിയ കൊറിയര്‍ കമ്പനി ജീവനക്കാരന്‍ പോലീസ് പിടിയില്‍. കണ്ണൂര്‍ അഴീക്കോട് സലഫി മസ്ജിദിനു സമീപം...

ഹത്രാസ് സംഭവo : സി ബി ഐ അന്വേഷണത്തിന് ഹൈക്കോടതി മേല്‍നോട്ടം വഹിക്കണമെന്ന് സുപ്രീംകോടതി

ന്യൂഡല്‍ഹി : ഹത്രാസ് സംഭവത്തിലെ സി ബി ഐ അന്വേഷണത്തിന് ഹൈക്കോടതി മേല്‍നോട്ടം വഹിക്കണമെന്ന് സുപ്രീംകോടതി. ചീഫ് ജസ്റ്റിസ് എസ് എ ബോബ്‌ദെ അധ്യക്ഷനായ ബഞ്ചാണ് ഈ ഉത്തരവിട്ടത്. അന്വേഷണ പുരോഗതി റിപ്പോര്‍ട്ട്...

കശ്മീരില്‍ ഇനി എത് ഇന്ത്യന്‍ പൗരനും ഭൂമി വാങ്ങാന്‍ സാധിക്കുന്ന വിധത്തില്‍ പുതിയ നിയമം പുറത്തിറക്കി കേന്ദ്ര സര്‍ക്കാര്‍

ശ്രീനഗര്‍ : കശ്മീരില്‍ ഇനി എത് ഇന്ത്യന്‍ പൗരനും ഭൂമി വാങ്ങാന്‍ സാധിക്കുന്ന വിധത്തില്‍ കേന്ദ്ര സര്‍ക്കാര്‍ പുതിയ നിയമം പുറത്തിറക്കി. ഒക്ടോബര്‍ 26 നു പുറത്തിറക്കിയ ഓര്‍ഡര്‍ പ്രകാരം ജമ്മു കശ്മീര്‍...
Advertisment