തിരുവനന്തപുരം : അവകാശങ്ങള് നിഷേധിക്കുമ്പോള് പണിമുടക്കടക്കമുള്ള സമരമാര്ഗങ്ങള്ക്ക് ഏതൊരു വിഭാഗത്തിനും അവകാശമുണ്ട് .കേരളത്തിലെ സര്ക്കാര് ജീവനക്കാരും അധ്യാപകരും ഇന്നനുഭവിക്കുന്ന അവകാശങ്ങളെല്ലാം തന്നെ നേടിയത് പണിമുടക്ക് ഉള്പ്പെടെയുള്ള സമര മാര്ഗങ്ങളിലൂടെയാണ്. പണിമുടക്ക് എന്ന അവകാശത്തെ നിഷേധിക്കാന് ആര്ക്കുമാവില്ല. ഡയസ്നോണ് എന്ന കരി നിയമത്തിനു മുന്നില് കീഴടങ്ങില്ലായെന്നും ഇന്ന് പണിമുടക്ക് തുടരുമെന്നും സ്റ്റേറ്റ് എംപ്ലോയീസ് ആന്ഡ് ടീച്ചേഴ്സ് സെന്റര് സംസ്ഥാന ചെയര്മാന് ഹരീഷ് കടവത്തൂര്, ജനറല് കണ്വീനര് വട്ടിയൂര്ക്കാവ് രാജന് എന്നിവര് അറിയിച്ചു.
