കൊച്ചി : പോലീസിനെതിരേ രൂക്ഷ വിമര്ശനവുമായി ഹൈക്കോടതി ജഡ്ജി ജസ്റ്റിസ് ദേവന് രാമചന്ദ്രന്. പോലീസ് മാറേണ്ട സമയം അതിക്രമിച്ചുവെന്ന് അദ്ദേഹം പറഞ്ഞു. രാജാക്കന്മാരാണ് എന്ന തോന്നല് പോലീസുകാര്ക്ക് ഉണ്ടാകരുതെന്നും അദ്ദേഹം വ്യക്തമാക്കി.
പോലീസുകാര്ക്കെതിരേ നടപടി വേണമെന്ന കോടതി ഉത്തരവ് പോലീസിന്റെ മനോവീര്യം തകര്ക്കുമെന്ന നിലപാട് തെറ്റാണ്. തെറ്റു ചെയ്യുന്ന പോലീസ് ഉദ്യോഗസ്ഥരെ മാറ്റിനിര്ത്താനുള്ള മനോധൈര്യമാണ് സേനയ്ക്ക് ഉണ്ടാകേണ്ടതെന്നും ജസ്റ്റിസ് ദേവന് രാമചന്ദ്രന് കൂട്ടിച്ചേര്ത്തു. കേരള പോലീസ് ഓഫീസേഴ്സ് അസോസിയേഷന് സംഘടിപ്പിച്ച ഓണ്ലൈന് യോഗത്തിലായിരുന്നു അദ്ദേഹത്തിന്റെ പരാമര്ശം.