പാലക്കാട് : പാലക്കാട് കൊടുവായൂർ കാക്കിയൂർ ആണ്ടിത്തറയിൽ വ്യാപക തെരുവ് നായ ആക്രമണം. ഇന്ന് രാവിലെ മാത്രം 4 പേരെ തെരുവ് നായ കടിച്ചു. കാക്കിയൂർ സ്വദേശി വയ്യാപുരിയുടെ മുഖത്ത് കടിച്ചു. തെരുവ് നായ ആക്രമിക്കാൻ വരുന്നത് കണ്ടപ്പോൾ അതിനെ ഓടിക്കാൻ കല്ലെടുക്കാൻ കുനിഞ്ഞപ്പോഴാണ് മുഖത്ത് കടിയേറ്റത്. സ്റ്റിച്ച് ചെയ്യാൻ പോലുമാകാത്ത അവസ്ഥയാണോ എന്ന് ആശങ്കപെട്ടെങ്കിലും ഏറെ നേരത്തെ പരിശ്രമത്തിനൊടുവിൽ സ്റ്റിച്ച് ചെയ്തു. കണ്ണൻ,കോമള എന്നിവർക്കും പരിക്കേറ്റു.
