പുളിങ്ങോം : കൂട്ടമായെത്തിയ തെരുവുനായകള് ആടിനെ കടിച്ചുകൊന്നു. കൂടാതെ ചത്ത ആടിന്റെ കുഞ്ഞിനെ കടിച്ചുമുറിവേല്പ്പിക്കുകയും ചെയ്തു. കണ്ണൂര് പുളിങ്ങോത്തെ എന്.എം അബ്ദുല്ലയുടെ ആടിനെയാണ് തെരുവു നായകള് കടിച്ചുകൊന്നത്. രണ്ടുവയസ്സുള്ള ആടാണ് തെരുവുനായ്ക്കൂട്ടത്തിന്റെ ആക്രമണത്തില് ചത്തത്. തീറ്റയെടുക്കാന് പറമ്പില് കെട്ടിയിരുന്ന സ്ഥലത്താണ് തെരുവുനായ്ക്കള് ആടിനെ ആക്രമിച്ചത്. ടൗണിനോട് ചേര്ന്നുള്ള സ്ഥലത്താണ് ആടിനെ കെട്ടിയിരുന്നത്. പ്രദേശത്ത് കഴിഞ്ഞ രണ്ടാഴ്ചക്കിടെ രണ്ടാംതവണയാണ് നായ്ക്കള് ആടിനെ ആക്രമിച്ച് കൊല്ലുന്ന സംഭവമുണ്ടായത്.
