കൊല്ലം അഞ്ചലില് പത്താം ക്ലാസ് വിദ്യാര്ത്ഥിയെ വീട്ടില് മരിച്ചനിലയില് കണ്ടെത്തി. കോട്ടുക്കല് ജെറിന് ജോഷിയെയാണ് (15) കിടപ്പുമുറിയില് തൂങ്ങിമരിച്ച നിലയില് കണ്ടെത്തിയത്. പുലര്ച്ചെ പഠിക്കാനായി കുട്ടിയെ എഴുന്നേല്പ്പിക്കാനെത്തിയ വീട്ടുകാര് ഏറെനേരം വിളിച്ചിട്ടും വാതില് തുറന്നില്ല. തുടര്ന്ന് വാതില് ചവിട്ടിപ്പൊളിച്ച് അകത്ത് കയറിയപ്പോഴാണ് കുട്ടിയെ തൂങ്ങിയ നിലയില് കണ്ടത്. വയല ഗവ. ഹയര് സെക്കന്ഡറി സ്കൂളിലെ വിദ്യാര്ത്ഥിയാണ് ജെറിന്. ആത്മഹത്യ ചെയ്ത നിലയില് കണ്ടെത്തിയ ഉടന് തന്നെ ജെറിനെ കടയ്ക്കലിലെ ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു. പോലീസ് കേസ് എടുത്തു.
