കൊച്ചി : റോഡ് മുറിച്ച് കടക്കവെ വാഹനമിടിച്ച് വിദ്യാര്ഥിനിക്ക് ദാരുണാന്ത്യം. കോഴിക്കോട് വടകര സ്വദേശിനിയായ അമേയ പ്രകാശാണ് അങ്കമാലിയില് മിനി ലോറിയിടിച്ച് മരിച്ചത്. കാലടി യൂണിവേഴ്സിറ്റിയിലെ കലോത്സവം കഴിഞ്ഞ് മടങ്ങുന്നതിനിടെയാണ് അപകടമുണ്ടായത്.
കലോത്സവം കഴിഞ്ഞ ശേഷം രാത്രി 11 മണിയോടെ തിരികെ നാട്ടിലേക്ക് പോകാന് ബസ് കയറായായി അങ്കമാലി ബസ് സ്റ്റാന്ഡിലെത്തിയതായിരുന്നു അമേയ. റോഡ് മുറിച്ച് കടക്കവേയാണ് അപകടമുണ്ടായതെന്ന് മറ്റുയാത്രകാര് പറഞ്ഞു. വാഹനമിടിച്ച് റോഡിലേക്ക് തെറിച്ച് വീണ് ഗുരുതരമായി പരിക്കേറ്റ അമേയ തല്ക്ഷണം മരിച്ചു. ഇടിച്ച വാഹനം നിര്ത്താതെ പോയതായി ആരോപണമുണ്ട്. മൃതദേഹം പോസ്റ്റുമോര്ടത്തിന് വേണ്ടി ആശുപത്രി മോര്ചറിയിലേക്ക് മാറ്റി. സംഭവത്തില് പോലീസ് കേസെടുത്തു.
