കോന്നി : കൊക്കാതോട് ഫോറസ്റ്റേഷൻ പരിധിയിലെ മണ്ണീറ, തലമാനം വനസംരക്ഷണ സമിതികളിൽ വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. മണ്ണീറ വന സംരക്ഷണ സമിതിയിൽ ആദിവാസി വിദ്യാർഥികൾക്കുള്ള പഠനോപകരണ വിതരണ ഉദ്ഘാടനം കൊക്കാത്തോട് ഡെപ്യൂട്ടി റേഞ്ച് ഓഫീസർ റ്റി രഘുകുമാർ നിർവ്വഹിച്ചു. വന സംരക്ഷണ സമിതി പ്രസിഡന്റ് മുരളീധരൻ നായർ അധ്യക്ഷത വഹിച്ചു. ആദിവാസി കുടുംബങ്ങൾക്കുള്ള സൗരോർജ വിളക്കിന്റെ വിതരണം ഗ്രാമ പഞ്ചായത്ത് അംഗം പി എസ്സ് പ്രീത നിർവഹിച്ചു. സമിതി സെക്രട്ടറി സുമിത് ബാബു, സത്യ വൃതൻ, രാജൻ, രാധാകൃഷ്ണൻ, സി കെ മനോഹരൻ, മണിരാജൻ, തങ്കപ്പൻ, അനിത തുടങ്ങിയവർ സംസാരിച്ചു.
