ഇടുക്കി : ഇടുക്കിയിലെ കരുണാപുരം പഞ്ചായത്തിൽ യുഡിഎഫ് ഭരണം പിടിച്ചെടുത്തു. ബിഡിജെഎസ് അംഗത്തിന്റെ പിന്തുണയോടെ ആണ് വിജയം. 17ല് ഒമ്പത് വോട്ടുകള് നേടി കോൺഗ്രസിലെ മിനി പ്രിൻസ് പ്രസിഡന്റ് ആയി തെരഞ്ഞെ ടുക്കപ്പെട്ടു. മുന് പ്രസിഡന്റ് എൽഡിഎഫിലെ വിൻസി വാവച്ചൻ ആണ് പരാജയപ്പെട്ടത്. നിലവിലുണ്ടായിരുന്ന എൽഡിഎഫ് ഭരണ സമിതിയെ കോൺഗ്രസ് അവിശ്വാസത്തിലൂടെ പുറത്താക്കിയതിനെ തുടർന്നാണ് തെരഞ്ഞെടുപ്പ് വന്നത്.
ബിഡിജെഎസ് അംഗമായ പി ആർ ബിനുവിൻറെ പിന്തുണയോടെയാണ് അവിശ്വാസവും പാസായത്. വൈസ് പ്രസിഡന്റ് സ്ഥാനത്തേക്കുള്ള തെരഞ്ഞെടുപ്പ് ഉച്ചയ്ക്ക് ശേഷം നടക്കും. ബിഡിജെഎസ് അംഗം പി ആർ ബിനു ആയിരിക്കും യുഡിഎഫ് സ്ഥാനാര്ത്ഥി. എൽഡിഎഫ് സ്ഥാനാര്ത്ഥി കെ ടി സാലിയാണ്.
