പത്തനംതിട്ട: സിപിഐ എമ്മിന്റെ ജനകീയ പ്രതിരോധ ജാഥ വന് ജനപിന്തുണയോടെ മുന്നേറവെ കോണ്ഗ്രസ് പാര്ടിയില് കലഹം മൂര്ച്ഛിക്കുകയാണെന്ന് സിപിഐ എം സംസ്ഥാന സെക്രട്ടറി എം വി ഗോവിന്ദന്. ബ്രഹ്മപുരം വിഷയം ഉയര്ത്തി കോണ്ഗ്രസിലെ ആഭ്യന്തര കലഹത്തിന് മറയിടാനാണ് കോണ്ഗ്രസ് ശ്രമിക്കുന്നതെന്നും അദ്ദേഹം വ്യക്തമാക്കി. ജനകീയ പ്രതിരോധ ജാഥയുടെ ഭാഗമായി മാധ്യമങ്ങളോട് സംസാരിക്കുകയായിരുന്നു അദ്ദേഹം കേരളത്തില് എല്ഡിഎഫിനെ പരാജയപ്പെടുത്തുക വിഷമമാകുമെന്ന ചിന്ത കോണ്ഗ്രസ്-യുഡിഎഫ് നേതാക്കളെ അലട്ടുകയാണ്. കെ സുധാകരന്റെ നേതൃത്വത്തില് തെരഞ്ഞെടുപ്പിനെ നേരിട്ടാല് നിലംതൊടില്ല എന്ന ധാരണ കോണ്ഗ്രസില് വ്യാപകമാകുകയാണ്. നിയമസഭയിലേക്കോ, ലോകസഭയിലേക്കോ മത്സരിക്കാനില്ലെന്ന മുരളീധരന്റെ പ്രസ്താവന വ്യക്തമാക്കുന്നത് പരാജയഭീതിയാണ്.
കോണ്ഗ്രസില് പിളര്പ്പുണ്ടായാല് ബിജെപിക്ക് ഗുണം ചെയ്യുന്ന തരത്തിലേക്ക് കാര്യം എങ്ങനെ മാറുമെന്നതിന് വേറെ ഗവേഷണം വേണ്ട. ആരു തടഞ്ഞാലും സ്വയം തീരുമാനിച്ചാല് ബിജെപിയില് ചേരുമെന്ന് പരസ്യമായി പറഞ്ഞ നേതാവാണ് സുധാകരന്. ആര്എസഎസിനോടുള്ള കൂറ് ന്യായീകരിക്കാന് രാജ്യത്തെ പ്രഥമ പ്രധാനമന്ത്രി ജവഹര്ലാല് നെഹ്റുവിനെ പൊലും വര്ഗീയവാദിയുടെ പാളയത്തില്ല്കെട്ടിയിട്ട നേതാവാണ് സുധാകരന്. ഒരേ സാമ്പത്തിക നയമാണ് ബിജെപിക്കും കോണ്ഗ്രസിനും ഉള്ളത്. തീവ്രഹിന്ദുത്വമാണ് ബിജെപിയുടെ മുഖമുദ്രയെങ്കില് മുദുഹിന്ദുത്വമാണ് കോണ്ഗ്രസ് പിന്തുടരുന്നത്. ഐക്യ ആന്ധ്രയിലെ അവസാന കോണ്ഗ്രസ് മുഖ്യമന്ത്രിയാണ് ഇപ്പോള് ബിജെപിയിലേക്ക് ചേക്കേറുന്നത്.
