പത്തനംതിട്ട : സപ്ലൈകോ ഓണം ജില്ലാ ഫെയറുകളുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന് വീഡിയോ കോണ്ഫറന്സ് മുഖേന നിര്വഹിച്ചു. ഭക്ഷ്യ പൊതുവിതരണ വകുപ്പ് മന്ത്രി പി. തിലോത്തമന് അധ്യക്ഷത വഹിച്ചു.
സപ്ലൈകോ ഓണം പത്തനംതിട്ട ജില്ലാ ഫെയറിന്റെ ഉദ്ഘാടനം റോയല് ഓഡിറ്റോറിയത്തില് നടന്ന ചടങ്ങില് മുന്സിപ്പല് ചെയര്പേഴ്സണ് റോസ്ലിന് സന്തോഷ് നിര്വഹിച്ചു. ആദ്യ വില്പ്പന വാര്ഡ് കൗണ്സിലര് പി.കെ. ജേക്കബ് നിര്വഹിച്ചു. ജില്ലാ സപ്ലൈ ഓഫീസര് സി.വി. മോഹന്കുമാര്, സപ്ലൈകോ ജില്ലാ ഡിപ്പോ മാനേജര് ആര്. രാജീവ് തുടങ്ങിയവര് പങ്കെടുത്തു.
പത്തനംതിട്ട റോയല് ഓഡിറ്റോറിയത്തില് ഈ മാസം 21 മുതല് 30 വരെയാണ് ഓണം ജില്ലാ ഫെയര് നടക്കുന്നത്. രാവിലെ 10 മുതല് വൈകിട്ട് ആറു വരെ കോവിഡ് മാനദണ്ഡങ്ങള് പാലിച്ചാണ് വില്പ്പന. എല്ലാവിധ നിത്യോപയോഗ സാധനങ്ങളും ഗൃഹോപകരണങ്ങളും ന്യായമായ വിലയ്ക്ക് ജനങ്ങള്ക്ക് ലഭ്യമാക്കുകയാണ് സപ്ലൈക്കോ ഓണം ജില്ലാ ഫെയറിന്റെ ലക്ഷ്യം.