തിരുവനന്തപുരം : സമൂഹ മാധ്യമങ്ങളിലും മറ്റും ഇബുള്ളറ്റ്ജെറ്റിനെ അനുകൂലിച്ചും പ്രതികൂലിച്ചും നിരവധി പ്രതികരണങ്ങള് ആണ് വന്നു കൊണ്ടിരിക്കുന്നത്. ഇതിനിടയില് ഇ ബുള് ജെറ്റിനെ രക്ഷിക്കാന് ഇടപെടണമെന്നാവശ്യപ്പെട്ട് ഒരു ആരാധകന് സുരേഷ് ഗോപി എംപിയെ വിളിക്കുകയും ചെയ്തു. ഇതിന് അദ്ദേഹം നല്കിയ മറുപടിയും ഇപ്പോള് വൈറലാണ്.
സംഭവത്തെ കുറിച്ച് വ്യക്തമായി മനസിലായില്ലെങ്കിലും, ഏകദേശ രൂപം കിട്ടിയ സുരേഷ് ഗോപി, പ്രശ്നം കേരളത്തിലല്ലേ നടക്കുന്നത്, നിങ്ങള് നേരെ മുഖ്യമന്ത്രിയെ വിളിക്കു എന്നാണ് സുരേഷ് ഗോപിയുടെ മറുപടി. മോട്ടോര് വെഹിക്കിള് ഡിപ്പാര്ട്മെന്റ് എല്ലാം മുഖ്യ മന്ത്രിയുടെയും ഗതാഗത മന്ത്രിയുടെയും കീഴില് ആണെന്നും അദ്ദേഹം പറയുന്നു. സാറിന് ഒന്നും ചെയ്യാന് പറ്റില്ലേ എന്ന ആരാധകന്റെ ചോദ്യത്തിന് എനിക്ക് ഇതില് ഇടപെടാന് പറ്റില്ല ഞാൻ ചാണകമല്ലേ എന്നാണ് സുരേഷ് ഗോപി പറയുന്നത്. ചാണകം എന്നു കേട്ടാലേ അലര്ജി അല്ലെ എന്നും അദ്ദേഹം ചോദിക്കുന്നുണ്ട്.