റാന്നി : മനുഷ്യത്വമാണ് ശ്രീനാരായണ ഗുരുദേവന്റെ മതമെന്നും ‘ഒരു ജാതി ഒരു മതം ഒരു ദൈവം മനുഷ്യന്’ എന്ന വചനത്തിലൂടെ ഗുരു അർത്ഥമാക്കിയത് ഇതുതന്നെയാണെന്നും ചങ്ങനാശ്ശേരി എസ്.എൻ.ഡി.പി യൂണിയൻ സെക്രട്ടറി സുരേഷ് പരമേശ്വരൻ പറഞ്ഞു. 31-ാമത് മാടമൺ ശ്രീനാരായണ കൺവൻഷന്റെ മൂന്നാം ദിനത്തിൽ ‘ശ്രീനാരായണ ഗുരുദേവൻ മതം’ എന്ന വിഷയത്തിൽ പഠനക്ലാസ് നയിച്ചു സംസാരിക്കുകയായിരുന്നു അദ്ദേഹം.
വരും തലമുറയെ ആത്മതീയതയുടെ വഴികളിലൂടെ നടത്തണമെന്നും ഇത് അവരെ മാതാ പിതാക്കളെയും ഗുരുക്കന്മാരെയും ബഹുമാനിക്കാനും ആദരിക്കാനും പ്രാപ്തരാക്കുമെന്നും അദ്ദേഹം വ്യക്തമാക്കി. ചിറ്റാർ ശാഖാ പ്രസിഡന്റ് സുകുലാൽ യോഗത്തിൽ അദ്ധ്യക്ഷത വഹിച്ചു. പേഴുംപാറ ശാഖാ മുൻ പ്രസിഡന്റ് എ.വി. ആനന്ദൻ, പി.ഡി. സോമൻ, ഇ.ജി. വിശ്വനാഥൻ, ബി.ബിജു, വത്സല രാജു, ശ്യാമള ഉദയഭാനു, സലികുമാർ, ഷാജി പുള്ളോലിൽ എന്നിവര് പ്രസംഗിച്ചു.
