പത്തനംതിട്ട: അബാന് മേല്പാലം നിര്മ്മാണത്തിന് വേണ്ടി സ്വകാര്യ വ്യക്തിയുടെ ഭൂമിയില് കല്ല് സ്ഥാപിക്കാന് ശ്രമിച്ചത് സിപിഐ തടഞ്ഞു. പാലം നിര്മ്മാണത്തിനായി സ്ഥലം ഏറ്റെടുക്കുന്നതിനായിട്ടാണ് സ്വകാര്യ വ്യക്തിയുടെ ഭൂമിയില് കല്ലിടാന് ശ്രമിച്ചത്. സിപിഐ മണ്ഡലം സെക്രട്ടറി അബ്ദുൽ ഷുക്കൂർ, ലോക്കൽ സെക്രട്ടറി ബി ഹരിദാസ് , നഗരസഭ കൗൺസിലർ സുമേഷ് ബാബു , സി സി ഗോപാലകൃഷ്ണൻ, വ്യാപാരി സംഘടനാ ഭാരവാഹികളായ ഇക്ബാൽ അത്തിമുട്ടിൽ, റഹീം മാക്കാർ, ബീമാ ഷെമീർ എന്നിവർ പ്രതിഷേധത്തിന് നേതൃത്വം നല്കി. സ്വകാര്യ ഭൂമിയില് സ്ഥാപിച്ച കല്ല് ഇവര് പിഴുതെറിയുകയും ചെയ്തു.
