ആലപ്പുഴ: നഗരസഭാ അധ്യക്ഷ തെരഞ്ഞെടുപ്പുമായി ബന്ധപ്പെട്ട് പ്രതിഷേധപ്രകടനത്തില് പങ്കെടുത്ത മൂന്ന് ബ്രാഞ്ച് സെക്രട്ടറിമാരെ സി.പി.എം പുറത്താക്കി. മന്ത്രി ജി.സുധാകരന്റെ നേതൃത്വത്തില് ജില്ലാ കമ്മിറ്റി ഓഫിസില് നടന്ന കൂടിയാലോചനയ്ക്ക് ശേഷമാണ് നടപടി. പി. പ്രദീപ്, സുകേഷ്, പി.പി. മനോജ് എന്നിവരെയാണു പുറത്താക്കിയത്.
ആലപ്പുഴ നഗരസഭയില് അധ്യക്ഷ സ്ഥാനത്തേയ്ക്ക് പാര്ട്ടി തീരുമാനിച്ച സൗമ്യ രാജിനു പകരം മുതിര്ന്ന പാര്ട്ടി പ്രവര്ത്തക കെ.കെ.ജയമ്മയെ അധ്യക്ഷയാക്കണമെന്ന് ആവശ്യപ്പെട്ടായിരുന്നു പ്രകടനം. സംഭവത്തെ തുടര്ന്ന് മൂന്നു ബ്രാഞ്ച് സെക്രട്ടറിമാരും 16 അംഗങ്ങളും തിങ്കളാഴ്ച തന്നെ വിശദീകരണം നല്കാന് ജില്ലാ സെക്രട്ടറി ആവശ്യപ്പെട്ടിരുന്നു. അതേസമയം പാര്ട്ടി നിര്ദേശമനുസരിച്ച് ജയമ്മ, സൗമ്യ രാജിനെ നാമനിര്ദേശം ചെയ്തു.
