കോഴിക്കോട് : ബക്രീദ് ദിനത്തോടനുബന്ധിച്ച് കോവിഡ് നിയന്ത്രണങ്ങളില് ഇളവ് നല്കിയ സാഹചര്യത്തില് തിരക്ക് നിയന്ത്രിക്കുന്നതിന്റെ ഭാഗമായി കോഴിക്കോട് മിഠായിത്തെരുവില് വഴിയോര കച്ചവടക്കാരെ പോലീസ് ഒഴിപ്പിക്കാന് ശ്രമം.
ഇതേ തുടര്ന്ന് വ്യാപാരി സംഘടനകള് പോലീസിനെതിരെ പ്രതിഷേധവുമായി രംഗത്തെത്തി. വഴിയോര കച്ചവടം അനുവദിക്കില്ലെന്ന് പോലീസും തങ്ങള് കച്ചവടം നടത്തുമെന്ന നിലപാടില് കച്ചവടക്കാരും ഉറച്ചുനില്ക്കുകയാണ്.
തങ്ങളെ ജീവിക്കാന് അനുവദിക്കണമെന്ന മുദ്രാവാക്യമാണ് പ്രതിഷേധക്കാര് ഉയര്ത്തുന്നത്. തങ്ങള്ക്ക് കോര്പ്പറേഷന് അധികാരികള് കച്ചവടത്തിന് അനുമതി നല്കിയിട്ടുണ്ടെന്നും പോലീസ് വെറുതെ പ്രശ്നമുണ്ടാക്കുകയുമാണെന്നും കച്ചവടക്കാര് പറയുന്നു.
