ഇടുക്കി: ഇടുക്കിയില് വീണ്ടും ആഫ്രിക്കന് പന്നിപ്പനി സ്ഥിരീകരിച്ചു. കരിമണ്ണൂര് വണ്ണപ്പുറം പഞ്ചായത്തുകളിലെ പന്നികളില് നടത്തിയ പരിശോധനയിലാണ് രോഗം സ്ഥിരീകരിച്ചത്. കരിമണ്ണൂരില് രോഗം ബാധിച്ച 300ലധികം പന്നികളെ കൊന്നതിന് തൊട്ടടുത്തുള്ള പ്രദേശമാണ് പുതിയ പ്രഭവ കേന്ദ്രം. വണ്ണപ്പുറം പട്ടയകുടിയിലെ ഫാമില് പന്നികളെ വിഷം കൊടുത്തു കൊന്നു എന്ന പരാതിയില് പോലീസ് സാമ്പിളുകള് പരിശോധനക്കയച്ചപ്പോഴാണ് രോഗം കണ്ടെത്തിയത്.
രോഗം സ്ഥിരീകരിച്ച സ്ഥലത്തിന് ഒരുകീലോമീറ്റര് ചുറ്റളവിലുള്ള പന്നികളെ നാളെ കൊന്നൊടുക്കും. കരിണ്ണൂര് വണ്ണപ്പുറം കഞ്ഞികുഴി പഞ്ചായത്തുകളിലായി 100ലധികം പന്നികളെയാണ് കൊല്ലുക. നേരത്തെ കണ്ണൂരില് വീണ്ടും പന്നിപ്പനി സ്ഥിരീകരിച്ചിരുന്നു. പേരാവൂര് പഞ്ചായത്തിലെ നാലാം വാര്ഡിലാണ് പന്നിപ്പനി കണ്ടെത്തിയത്. കാഞ്ഞിരപ്പുഴയിലെ ഒരു ഫാമിലാണ് പന്നിപ്പനി. ഫാമിലെ നൂറോളം പന്നികളെ കൊന്നൊടുക്കുമെന്ന് അധികൃതര് അറിയിച്ചു. സംസ്ഥാനത്ത് ആഫ്രിക്കന് പന്നിപ്പനി സ്ഥിരീകരിക്കുന്നത് ജൂലൈ 22നാണ്. അന്ന് മാനന്തവാടിയിലെ ഫാമിലാണ് രോഗബാധ സ്ഥിരീകരിച്ചത്. ഭോപ്പാലില് അയച്ച സാമ്പിളിലാണ് രോഗബാധ സ്ഥിരീകരിച്ചത്.
