പത്തനംതിട്ട : കേന്ദ്ര-സംസ്ഥാന സർക്കാരുകളുടെ തെറ്റായ തൊഴിലാളി വിരുദ്ധ നയങ്ങൾ പിൻവലിക്കുക, നിത്യോപയോഗ സാധനങ്ങളുടെ വിലക്കയറ്റം നിയന്ത്രിക്കുക, ക്ഷേമപെൻഷനുകൾ 10,000 രൂപയായി വർധിപ്പിക്കുക, തയ്യൽ തൊഴിലാളികളെ ഇഎസ്ഐ പദ്ധതിയിൽ ഉൾപ്പെടുത്തുക, ക്ഷേമനിധി പെന്ഷന് വേണ്ടി അപേക്ഷിക്കുന്ന തൊഴിലാളികൾക്ക് ബന്ധപ്പെട്ട ഉദ്യോഗസ്ഥൻ എന്ന് അപ്രൂവൽ ചെയ്യുന്നുവോ അന്നുമുതലേ പെൻഷൻ ലഭിക്കു എന്ന ഉദ്യോഗസ്ഥർ തീരുമാനം പിൻവലിക്കുക.
തുടങ്ങിയ ആവശ്യങ്ങൾ ഉന്നയിച്ചുകൊണ്ട് ഓൾ കേരള ടെയിലേഴ്സ് അസോസിയേഷൻ പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ ഹെഡ് പോസ്റ്റ് ഓഫീസ് പടിക്കലേക്ക് ധർണ്ണ നടത്തി.ധർണ്ണ സമരം സംസ്ഥാന ട്രഷറർ ജി.കാർത്തികേയൻ ഉദ്ഘാടനം ചെയ്തു. ജില്ലാ പ്രസിഡന്റ് ആർ.രാജസേനൻ അധ്യക്ഷത വഹിച്ചു. സെക്രട്ടറി പി.ജി രാജൻ സ്വാഗതം പറഞ്ഞു. ട്രഷറർ എം.വി മോഹനൻ, ഭാരവാഹികളായ എം.എസ് ഗോപാലകൃഷ്ണൻ നായർ, ബി.രാജമ്മ, എം.രാജൻ, എം.വി ജേക്കബ് എന്നിവർ സംസാരിച്ചു. ധർണ്ണ സമരത്തിന് മുന്നോടിയായി നടത്തിയ പ്രകടനത്തിന് ആർ രാജസേനൻ, ജി.കാർത്തികേയൻ, പി.ജി രാജൻ, എം.വി മോഹനൻ എന്നിവർ നേതൃത്വം നൽകി.
