കാശ്മീർ : പോലീസ് ബസിന് നേരെയുണ്ടായ ഭീകരാക്രമണത്തിൽ രണ്ട് പോലീസുകാർ കൊല്ലപ്പെട്ടു. 12 പോലീസുകാർക്ക് ആക്രമണത്തിൽ പരുക്കേറ്റു. ജമ്മു കാശ്മീർ സായുധ പോലീസ് സേന സഞ്ചരിച്ച വാഹനത്തിന് നേരെ ഭീകരർ വെടിയുതിർക്കുകയായിരുന്നു. സെവാൻ മേഖലയിലെ പത്താൻ ചൗക്കിലാണ് സംഭവം. എ എസ് ഐയും ഒരു കോൺസ്റ്റബിളുമാണ് കൊല്ലപ്പെട്ടത്. പരുക്കേറ്റവരെ ആശുപത്രിയിലേക്ക് മാറ്റി. ഭീകരർക്കായി സൈന്യം തെരച്ചിൽ നടത്തുകയാണ്.
